(( الصد والهجر ))
يازين قلي أمانة ليش الجفأ بعد وصلك
==== عيشتني في غرامك والآن تقطع وصالي
بعد الوفا والمحبة والعهد عاديت خلك
===== وانا الذي صنت حبك وارخصت لك كل غالي
جازيتني بالخيانة والصد والهجر هل لك
===== تبرر أعظم خطية ماباك ترأف بحالي
أباك تعرف بأني ضحيت بالحب لجلك
===== واحرقت شوقي بدمك وذقت مر الليالي
واباك تعرف بأني كنت احتمي وسط ضلك
===== شربت من بحر حبك عذب المياه الزلالي
وكنت بتبع دروبك حتى الملل مابملك
=====أسقيتـك الشهد صافي وحب من قلب حالي
والآن بعد الخيانة (( عفتك )) وماطقت فعلك
===== ربحت فرقك وانته خسرت عاشق مثالي
دفنت حبك بذكرى (( ذكرى )) حزينة لعلك
===== تتذكر انك بجرمك فارقت عز الرجالي
حتى ومن بعد جرحك لو جيت مديت حبلك
=====والله مانسى جروحك أو مد لك من حبالي
بسقيك كاس المنايا بلعب بقلبك وعقلك
====باعيّشك في متاهة وبطردك من خيالي
والله ما رحم دموعك ولاهوانك وذلك
==== حتى ولو فاض دمعك مابدخلك لامجالي
باظل شامخ مكاني وان شلك (( الحزن )) شلك
==== مانا تراني بقمة شامخ شموخ الجبالي
وش بايزعزع شموخي صحيح لي قلب مثلك
===== لكن نفسي عزيزة والكبريا راس مالي
طويت صفحة قديمة وان كان خطي وصل لك
===== ارجوك دون سطوره بالكبريا والتعالي