حبيبي يابعد عمري ترى طولت غيباتك
============ وش اللي صار يالغالي انا ماقوى معاناتي
محال اتحمل افراقك حياتي كلها اوقاتك
============ بدونك يابعد روحي اصارع حسرة اوقاتي
احبك , ايه انا واعشق سواليفك وضحكاتك
============واحس انك تمازحني وتتمتع بضحكاتي
همومي كلها عندك تناقشها مع ذاتك
============ وهمك مثل ماهمي وذاتك نفسها ذاتي
تراني اعشقك مره واتشوق لطلاتك
============ واتمنى متى اللقيا تجي وتشوف طلاتي
اموت بغمزة اعيونك وتقتلني بنظراتك
============صحيح الفرق شاسع بين نظراتك ونظراتي
تذكر آخر اللقيا وكيف اخرجت آهاتك
============وكيف اذرفت لي دمعك وزادت كل آهاتي
وضميتك وسط صدري كتمت الشوق بسكاتك
============عساك تعيش متهني وتتمتع في اوقاتي
انا من علمك تهوى زرعت الود بشفاتك
============ وانته تزرع البسمه وترسمها على اشفاتي
تعبت ابعثر اوراقي واقلب كل صفحاتك
========== صراحه صفحتك بيضاء وناصع مثل صفحاتي
انا والله موقاسي ولا افرح لزلاتك
============ وانته يا بعد عمــــــــــــري تدور وين زلاتي
ترى لوطالت الغيبه بقول اشكثر غلطاتك
============بسجــــــــلها وبمسحها واساويها بغلطاتي
تعال وآخر اقوالي انا مغرم بكلماتك
============ولجلك يابعد روحي كتبت اليوم كلماتي
اخوكم ومحبكم على الدوام .. احمد العزاني